CEBU, Philippines — Dul-an sa 11,000 ka violators ang naisyuhan og citation tickets sa Cebu City Transportation Office tungod sa mga nagkadaiyang kalapasan niini sa trapiko.
Ang maong mga kalapasan gilangkuban kini sa night illegal parking, parking sidewalk, no registration, expired license, expired registration, disregarding traffic signs, ug uban pa.
Base sa talaan sa CCTO nikabat sa 246 ang nakalapas sa clamping overnight ug 529 sa clamping sa adlaw samtang sa towing motorcycle nikabat sa 447, e-bike/traysikad nikabat sa 327 samtang 16 sa tricycle ug 20 sa four wheels.
Samtang sa assisting vehicular accident niabot ngadto sa 329 ang gidaghanon.
Sa laing bahin, si Mayor Junard “Ahong” Chan sa Dakbayan sa Lapu-Lapu niluwat og kamandoan sa City Traffic Management System (CTMS) nga kuhaon ang gidaghanon sa mga tricycle ang nagdagan sa Dakbayan sa Lapu-Lapu.
Tumong niini nga makahimo og mga lakang alang sa pagpangandam kon ugaling ipatuman na sa Department of Interior and Local Government (DILG) nga hugtan na ang pag-ban sa mga tricycle diha sa national higway.
Giingong ang siyudad adunay daghang mga kolorum nga traysikol ang padayon nga nagdagan.
Daghan gihapon kaayo ang mga kolorum, moabot usab og 2000 ang ilang gidaghanon, butyag ni Chan. Romeo T. Limpangog/BDB (BANATNEWS)