OBO paluwaton og cease and desist order batok sa developer

CEBU, Philippines – Ang Cebu City Legal Office nirekomendar karon sa Office of the Building Official sa pagluwat ug cease and desist order batok sa developer kinsa nag-develop og luna diha sa Barangay Binaliw, Dakbayan sa Sugbo.

Matud ni Atty. Rey Gealon, pangulo sa CLO nga base sa inspection report nga giduso sa  City Environment and Natural Resources Office nasuta nga ang maong developer nakahimo og kalapasan lakip niini ang ka kulang sa permit sa retaining wall ug legal easement niini.

Nasayran nga ang mga residente sa lugar nga naapektohan sa proyekto ang niduso og reklamo diha sa CLO.

Matud usab ni Gealon nga atol sa gipahigayon nga clarificatory conference niadtong Oktubre 17, 2019 ang developer niangkon nga kulang sila og permit ug clearances sa pag-implementar sa proyekto.

Si Gealon nimando sa OBO sa pagluwat og cease and desist order o ipahunong una sa siyudad ang kaugmaran nga gipahigayon sa developer diha sa nahisgutang lugar. /BDB (BANAT NEWS)