Mga bata sa Ayungon gipakaon sa mga polis

CEBU, Philippines — Ang 704th  Maneuver Company sa Regional Mobile Forces Battalion (RMFB)-7  nagpakaon sa mga bata  ngadto sa Barangay Mabato, lungsod sa Ayungon Probinsiya sa Negros Oriental.

Nikabat ngadto sa 600 ka bata ug ginikanan ang nakabenepisyo sa joint community program nga gipasiugdahan sa kapolisan ug lokal nga kagamhanan sa Lungsod sa Ayungon ug Mabinay.

Niining ulahi lang, didto sa maong lungsod gipamatay sa giingong mga sakop sa New People’s Army (NPA) ang upat ka polis.

Si Police Captain Emmanuel Rabaya nagkanayon nga ang tinguha nila sa maong kalihukan mao ang pagpahibalo sa mga tawo sa bukid nga andam sila nga motabang ngadto sa publiko.

Matud ni Rabaya nga tungod sa gilay-on sa maong barangay adunay dakong posibilidad nga ma-recruit ang mga residente sa NPA.

Ang kapolisan nipasabot ngadto sa mga residente sa mga negatibong mahitabo kong magpasakop sila sa teroristang grupo.

“We are making its way to work hand in hand together with our police and community in order to be united and have peace in our beloved land and also to help the nationwide campaign on its objective to reduce the number of youth who are recruited by the communist terrorist group (CTG)”, matud ni Rabaya. (BANATNEWS)