CEBU, Philippines – Pormal na nga gipasakaan og kasong parricide ang polis nga mipatay sa iyang asawang usa sab ka polis diha sa ilang balay sa Sitio Ingod, Barangay Sentri Tubigon, sa Bohol.
Si Police Captain Robert Lucernas hepe sa Tubigon Police Station miingon nga naduso na nila ang kaso sa Municipal Prosecutor.
Dugang pa ni Lucernas nga nagpaabot nalang sab sila sa habig sa pamaliya ni Police Staff Sergeant Juliet Tuquib alang sa dugang mga impormasyon sa kaso batok kang Police Staff Sergeant Ariel Tuquib.
Sa pagduso nila sa kaso ngadto sa piskalya silang mga polis ang reklamante base sa statement gikan sa ig-agaw sa biktima.
Ang gipasakaan og kaso nga bana talandugon pa ang kahimtang nga giingong nag-unay pagpusil sa iyang ulo ug naa karon sa tambalanan.
Ang magtiayon nadunggan nga nagaway pipila ka minutos sa wala pa ang nadunggan nga butobuto sa armas gikan sa ilang balay. /IBM (BANAT NEWS)