SMFI motuman sa EO No. 23
CEBU, Philippines — Giklaro sa San Miguel Foods Inc. (SMFI) nga “non-pork-based products” ang ilang ibaligya atol sa Sinulog Festival karong adlawa.
Ang kompaniya nga nakabase sa Manila nagkanayaon nga nagpabilin silang komitado nga motuman sa Executive Order No.23 nga nagdili sa pagbaligya og mga produktong baboy gikan sa Luzon dinhi sa Sugbo.
Ang SMFI usa sa mga sponsor sa Sinulog Foundation Inc. (SFI) karong tuiga.
Gipahibalo ni Cebu City Mayor Edgardo Labella nga mahimong mamaligya ang tanang lokal nga producer panahon sa grand parade basta mosunod sila sa mga rekisitos ug motuman sa mga balaod.
Si Labella nipadayag sa maong pamahayag human nga adunay usa ka kompaniya nga nangayo og panabang kaniya human giingong gidid-an kini sa SFI nga mobaligya sa ilang produkto atol sa nahisgutang kalihukan.
Matud ni Labella nga ang kasabutan tali sa SFI ug SMFI walay labot niini ang kagamhanan sa siyudad. /BDB (BANATNEWS)
- Latest
