CEBU, Philippines – Ang Archdiocese of Cebu, Shrine of Divine Mercy de Cebu Foundation ug renowed architectural firm Palafox Association ug Palafox Architectural Group Inc. ang nagpirmahanay na sa kasabutan alang sa katukoran sa Divine Mercy Shrine diha sa 6.3 ektaryang luna sa bukirang bahin sa Barangay Garing, Lungsod sa Consolacion.
Ang mga nipirma sa kasabutan gilangkuban ni Archbishop Jose Palma, Architect Jun Palafox, ug DMFCI President Imma Berdin Alfon.
Ang maong proyekto gilaumang matagamtaman sa mga magtutuo subay sa pagsaulog sa ika-500 years nga Kristiyanismo sa nasud sa tuig 2021.
Si Berdin nipasalamat sa tanang mga magtutuo nga nipaambit ug nitabang alang sa katumanan sa katukuran sa maong proyekto.
Si Palma sa iyang bahin, nipasalamat usab human maaprobahi ang maong plano ug mapatuman na kini.
Matud ni Palma nga ang maong proyekto usa kini sa pagpakita sa atong pagtuo ug pagpaambit usab sa maong pagtuo ngadto sa katawhan.
Ang mga sakop sa DMFCI nihangop tungod kay masugdan na ang construction sa maong proyekto. /BDB (BANAT NEWS)