Solicitation alang sa tabernakulo di tinuod

CEBU, Philippines — Giklaro sa Archdiocese of Cebu nga walay kamatuoran ang nanggawas sa social media nga nangayo sila og donasyon alang sa pagtukod og usa ka tabernakulo.

Matud ni Fr. Andrei Ventanilla, chairman sa Commission on Youth ug usa sa mga secretaries ni Archbishop Jose Palma, nga fake news ang nikatap sa social media nga nangayo og donasyon ang Arsobispo alang sa usa ka tabernakulo.

Dugang ni Ventanilla nga walay kamatuoran ang maong taho nga nangayo og donasyon ang Arsobispo alang sa maong proyekto.

Awhag ni Ventanilla ngadto sa katawhan nga kung sila mapangayoan mahimo silang motawag sa Archbishop’s Residence alang sa pagtaho sa maong pagpangayo.

Giklaro sa kadagkoan sa simbahan nga walay kamatuoran ang nikatap nga solicitation ug giawhag nila nga dili mohatag niini kay wala sila mangayo og donsyon. /GMR (BANATNEWS)