CEBU, Philippines — Paghapit sa fluvial procession diha sa Pasil Fish Port sa umaabot nga kapistahan sa Senyor Sto. Niño karong buwan sa Enero dili na himuon sumala pa sa Philippine Coast Guard.
Ang tigpamaba sa Philippine Coast Guard(PCG)-7 Lt. JG Michael Encina mibutyag nga sa gihimong pre-assessment meeting niadtong Disyembre 4 may labot sa preparasyon sa fluvial procession karong Enero 18, nahisgutan ang dili na paghapit sa prosisyon diha sa maong dapit.
Mitambong sa maong tigum ang Maritime Police sa Philippine National Police, MARINA, Cebu Ports Authority ug uban pa. Sa naandan, lima ka dapit nga pagaagian sa fluvial procession nga langkuban sa galleon nga kargahan sa Imahe sa Senyor Sto. Niño ug Birhen sa Guadalupe, apan karon dili na iapil sa hapiton ang kadagatan sa Pasil.
Kini aron dili mabutang sa peligro ang panon sa mga barko ug motorbanca tungod sa nagpadayong pagtukod sa Cebu-Cordova Bridge.
“May coordination na rin tayo with the parish ng Sto. Niño the Basilica itself so nag-conduct na rin tayo doon ng pre assessment coordination meeting sa kanila kasama din yung ating mga kapulisan, kasundalohan at other maritime law enforcement agencies andun din sila,” asoy pa ni Encina.
Gipahibawo sab ni Encina nga sa sayong bahin pa lang sa buwan sa Disyembre nagsugod na sila pagpanawat ug nagrehistro sa mga banca ug motorbanca nga gustong moapil sa fluvial procession aron malakip silang daan sa pagplano.
Giawhag ni Encina kadtong mga interesadong mosalmot nga magparehistro gyud. “Kaya po kami ay nanawagan sa kanila na mas maaga na magrehistro sila again wala pong bayad yoon.Nagbibigay pa po kami ng color coding kung saan po nabibilang yung irerehistro nilang banca sapagkat meron po tayong tatlong division, division one, two, three so may mga respective areas, respective divisions yung specific bigat, specific laki ng isang banca hindi po kailangan natin pagsama-samahin like nung ginawa natin the previous fluvial processions,” dugang ni Encina.
Ang deadline sa pagpanawat sa PCG ug rehistrasyon hangtod sa Enero 16 lang.
“At the start po ng ating parada dito sa Mactan Channel alas-4 ng umaga again uulitin ko alas 4 ng umaga hindi na po makakapasok ang kahit ano mang sasakyang pandagat sa loob ng north and south channel. So mahigpit po tayo diyan, maglalagay po tayo ng mga barko, mga personnel natin, ng mga kapulisan at the same time na made- deploy sa north and south channel upang masunod natin ng maayos at safe ‘yung ating fluvial procession,” dugang pagpasabot ni Encina
Gipahibawo sab niini nga atol sa fluvial procession gidili ang pagpalupad og drones, ang CPA sab maoy mangulo sa pag-regulate sa mga deboto nga mosaksi diha sa pantalan ingon man sa mga buot mosakay sa mga banca ug uban pa.
Kahinumduman niabot na sa 80 ka banca ang narehistro sa PCG ug gilauman nga ning tuiga molapas pa kini sa usa ka gatus. /IBM (BANATNEWS)