Ngabil sa 7-anyos babaye gipaak

CEBU, Philippines — Nihubag ang ngabil sa 7-anyos nga bata human giingon nga gipaak sa iyang silingang lalaki sa Barangay Poblacion, Dakbayan sa Talisay.

Si Fe Gonzales nga maoy Gender and Development (GAD) focal person sa barangay nibutyag nga ang inahan sa batang babaye maoy nidangop sa ilang buhatan human iyang nahibaw-an nga gipaak kini sa ilang 27-anyos nga lalaki.

Nahibaw-an sab nila ni Gonzales nga makadaghan na diay kini nga gibuhat sa suspek base sa saysay sa bata.

“Tungod sa ka cute sa bata kay chubby man lami gyud kaayo nga kumot-kumoton. Pero lahi daw ang paghikap o layog sa suspetsado sa maong bata,” nagkanayon si Gonzales. Una niini, ang inahan sa bata nag-andam sa ilang panihapon niadtong Huwebes sa gabii.

Ang 7-anyos nga bata nananghid nga magkuha og tubig apan gikakita niini ang suspek hangtud nga siya gihawkan ug gipaak ang ngabil hinungdan sa paghilak sa biktima.

Wala kaagwanta ang inahan nisumbong kini ngadto sa barangay dayon lahos sa kapolisan hinungdan nga dali sab nga nadakpan ang suspek.

Si Gonzales nidugang nga pasakaan gyud og kaso sa inahan ang suspek suma sa ilang pakig-estorya. –/GMR BANAT NEWS