CEBU, Philippines — Nidasig si Cebu Archbishop Jose Palma sa katawhan sa pagpaambit sa ilang mga grasya niining panahon sa Pasko.
Gidayeg ni Palma ang talan-awon nga bisan asa nga lugar naghugop ang katawhan sa Misa de Gallo.
Nanghinaut ang Arsobispo nga hangpon sa katawhan ang Ginoo nga wala lang nagpakatawo niining kalibutan apan nagdala sab sa iyang Diosnon nga kalooy maong iyang gidasig ang pagpaambitay sa grasya diha sa komunidad. Angay usab pamalandungan sa katawhan ang kinabuhi usab nga Kristohanon. /GMR (BANATNEWS)