CEBU, Philippines – Girekomendar sa Land Transportation Office 7 ang pagsuspenso og tulo ka buwan sa lisensiya sa usa ka lalaki nga nag-trending sa social media tungod sa pagwara-wara sa iyang armas samtang sakay sa iyang sakyanan sa may Mambaling, Siyudad sa Sugbo.
Si LTO-7 Regional Director Victor Caindec niila sa maong lalaki nga si Mark Bas.
Sumala pa ni Caindec nga gihatagan nila og saktong panahon si Bas nga makatubag sa iyang kalapasan apan nilapas kini og lima ka adlaw.
Ang affidavit nga giduso aduna pay hulagway sa driver’s license ID nga unta anaa pa kini sa ilang buhatan human wala pa malukat sukad nadakpan.
Gitug-an ni Caindec nga ila usab iduso sa ulohang buhatan sa LTO ang revocation of license ni Bas.
Tan-awon usab ni Caindec ang abogado nga nihimo sa affidavit ni Bas. /GMR (BANAT NEWS)