Mga mabdos nakadawat og pinaskohan
CEBU, Philippines — Nikabat sa 60 ka mabdos ang nakadawat og pinaskohan gikan sa opisyales sa Barangay Poblacion, Dakbayan sa Talisay niadtong Huwebes sa buntag.
Si konsehal Megie Donan-Hervas, chairman sa committee on health nibutyag nga tinuig na nila kini nga gibuhat sa paghatag og pahalipay ngadto sa mga mabdos.
Matud ni Hervas nga nagpahigayon sila og regular nga checkup sa mga mabdos apan ang nakalahi niini karon mao nga gitunolan og pinaskohan ang mga mabdos.
Ang mga pinaskohan nga gipanghatag mao ang mga kagamitan alang sa mga umaabot nga anak sa mga mabdos.
Ang mga mabdos gipahimangnoan usab kini sa angayan nilang mga buhaton samtang nga nagsabak.
Sa iyang bahin, si Kapitan Edward Alesna nagkanayon nga gamay nga paagi lang kini ang ilang gihimo aron malipay ang mga mabdos diha sa ilang barangay.
Si Alesna niawhag sa mga mabdos diha sa ilang barangay nga magpa-checkup gyud kini aron masiguro ang ilang kahimsog ug sa bata nga ilang gisabak. /BDB (BANATNEWS)
- Latest
