CEBU, Philippines — Pahamtangan na og buhis ang tanang sand, gravel ug ubang quarry resources sa publikong luna sa Probinsiya sa Sugbo.
Matud ni Roy Salubre, ang provincial treasurer, nga mokolekta og P48 matag cubic meter sa bas, graba ug ubang quarry resources ang Kapitolyo gawas sa kolektahon nga bayad sa quarry permit. Ang extraction fee lahi kini gikan sa Mineral Production Sharing Agreement (MPSA) nga giisyu sa Department of Environment and Natural Resources (DENR).
Matud ni Salubre nga ang mga MPSA holder wala kini magbayad og extraction fee. “So ang gusto ta nato since nag-extract man sila sa territorial jurisdiction sa province, mobayad gyud unta sila kay buhis man ni. Di ni siya fee, tax gyud ni siya,” matud ni Salubre.
Ubos sa memorandum sa DENR, ang mga commercial sand and gravel permits nga lima ka ektarya paubos mo-file kini ubos sa local government unit. /GMR (BANATNEWS)