CEBU, Philippines — Ang pagpakabana sa kalikupan maoy gihimo sa mga tinun-an sa Academia de San Martin sa Lungsod sa Daanbantayan ug Batch 81 sa University of San Carlos kagahapon sa buntag.
Matud ni Padre Jestoni Del Castillo, principal sa Academia de San Martin nga sulod na sa lima ka tuig ang ilang kalihukan diin matag science, math month mopahigayon sila og tree planting activity diin lakip usab kini sa corporate social responsibilities sa kalikupan.
Ang maong grupo kaabag ang CTU Daanbantayan-Fisheries Department nananom kini og mga bakhaw.
Samtang ang USC Batch 81 gipangulohan kini ni Padre Roberto Ebisa, SVD chairman sa Kapisanan ng mga Broadcaster ng Pilipinas ug General Manager sa DyRF1215.
Si Ebisa ug ang iyang mga classmate ug schoolmate ang nitanom sa 300 ka kahoy nga naglangkub sa molave, mahogany, guyabano, avocado ug nangka.
Si Ebisa nitug-an nga gawas sa tree planting aduna usab silay mga outreach program sa ilang batch. /BDB (BANATNEWS)