Kinubkob sa SRP nagkatag sa karsada
CEBU, Philippines — Nagkatag sa karsada ang giingong yuta ug mga basura nga kinubkob gikan sa luna sa South Road Properties sa Dakbayan sa Sugbo.
Kini ang nakaaghat kang Konsehal Jerry Guardo sa pagduso og resolusyon sa pagpatawag sa mga hingtungdan gumikan sa reklamo sa ka delikado sa mga motorista.
Ang ipatawag base sa resolusyon mao ang kadagkuan sa Community Environmental and Natural Resources Office, Department of Engineering and Public Works, Department of Public Services (DPS), ug mga kontraktor sa proyekto.
"This has been a common eyesight sa mga dunay on-going excavation. I would like to remind the heads concern sa mga implementing agency na mag-monitor,” matud ni Guardo kinsa chairman sa committee on infrastructure sa konseho sa siyudad.
Ang mga reklamo gikan sa mga residente ug motorista nga mag-again sa SRP.
"This is part of the obligation sa contractors and mga haulers na mag-housekeeping sa ilang construction, na dapat kung mag-haul-in ug haul-out sila limpyo ilang trucks,” matud ni Guardo. Matud ni Guardo nga ang mga kontraktor gihangyo nga limpyohan ang mga ligid sa ilang mga trak gikan sa bisan unsang yuta o hugaw sa dili mosulod sa dalan.
Ang mga hauling trucks kinahanglan sab butangan og tarpaulins o nets aron matabunan ang ilang mga kargamento aron malikayan ang paghagbong diha sa mga dalan nga mahimong hinungdan sa mga aksidente sa mga motorista. (/GMR)(BANATNEWS)
- Latest
