Legal Office: Pagbaligya sa luna sa SRP balido
CEBU, Philippines – Giangkon sa Cebu City Legal Office nga ang pagbaligya sa South Road Properties balido ug legal human ang oposisyon sa konseho nikwestiyon sa legalidad niini.
Ang halin sa pagbaligya sa luna usa sa gigikanan sa pondo sa Supplemental Budget No. 2 nga giduso ni Mayor Edgardo Labella.
Ang Department of Budget and Management nipadayag na nga ang P2.5 bilyones nga supplemental budget "operative in its entirety” na.
“There is no stopping the truth: SRP sale was valid and legal. In the same way that there is no stopping the subsequent monumental development in SRP,” matud ni City Legal Officer Rey Gealon.
Nasayran nga gibasura na sa korte ang kaso nga gipasaka ni Romulo Torres nga nagkwestiyon sa pagbaligya sa luna sa SRP.
"Law and jurisprudence aside, prayers of the senior citizens and PWDs who'd stand to benefit from the supplemental budget may have moved the DBM to finally reach at that conclusion," matud ni Gealon. (/GMR)(BANAT NEWS)
- Latest
