SFI di ubos sa governing board
CEBU, Philippines – Giklaro ni Cebu City Mayor Edgardo Labella nga ang Sinulog Foundation, Inc. dili ubos sa iyang gitukod nga Cebu City Sinulog Governing Board (CCSGB).
Kini human giangkon sa CCSGB nga sila ang magsilbing regulatory board nga mo-review ug moaprobar sa tanang resolusyon ug mga aksyon sa executive committee sa Sinulog ug SFI.
Si Labella, chairman sa CCSGB, niingon nga ang governing board maoy responsable sa kahusay ug kahapsay, kahimtang sa trapiko, ug pag-andam sa kalamidad alang sa Sinulog 2020.
Gihatagan niya og gibug-aton nga ang CCSGB ug ang SFI adunay tagsatagsa ka papel sa kalihukan sa Sinulog.
“No one is under or above the other... they are complementary with each other with one ultimate objective- the success of Sinulog 2020,” matud ni Labella.
Gani dunay pipila ka sakop sa CCSGB nga sakop sa Board of Trustees sa SFI aron magkatambayayong sa kalihukan.
Dugang ni Labella nga wala’y problema nga mahitabo kung adunay tarung nga panagsabot ang CCSGB ug SFI.
“If they agree among themselves certain items that they have agreed in their meetings, I’ll take a look at it,” sigun ni Labella.
“Whatever they have agreed, we have to respect it,” dugang niya. (/GMR)(BANAT NEWS)
- Latest
