Fernandez gihukmang sad-an
CEBU, Philippines — Ilhon gihapon isip konsehal sa Dakbayan sa Talisay si Konsehal Socrates Fernandez bisan paman sa silot nga perpetual disqualification from public office nga gipahamtang sa Sandiganbayan.
Kini maoy gipahibawo ni Mayor Gerald Anthony “Samsam” Gullas Jr. kagahapon sa buntag.
Si Associate Justice Mary Ann Corpuz-Mañalac sa Sandiganbayan Fifth Division maoy mipirma sa desisyon nga guilty sa kasong obstruction of justice si Fernandez.
Ang kaso may kalabutan sa iyang sinagop nga anak nga si Joavan niadtong 2010 diin gireklamo si Fernandez sa kapolisan kay gikuha niya ang bag sa sulod sa sakyanan nga gikostudiya isip ebidensya. Si Joavan gialarma tungod sa pagpanion og armas.
Wala sa iyang buhatan si Fernandez ug wala sab kini motubag sa tawag sa telepono aron unta kuhaan sa iyang habig.
Samtang magpaabut sa tubag sa iduso nga mosyon ni Fernandez, magpabilin kining konsehal sa siyudad, matud ni Gullas. IBM (BANATNEWS)
- Latest
