Money changer gilungkab

CEBU, Philippines — Usa ka money changer sa dalan Colon sa Dakbayan sa Sugbo ang gilungkab ug nasakiyo ang gibana-banang P300 mil nga kwarta ug gamit kagahapon sa buntag.

Si Police Major Joemar Pomarejos, hepe sa Waterfont Police Station miingon nga ang mga kawani nakugang kay gilungkab na ilang tindahan ug nawala ang laptop, telepono sa kompanya ug personal nga salapi sa mga kawani.

Base sa imbestigasyon, ang mga kawatan milusot sa bodega tapad sa usa ka department store nga naa sa likod sa maong money changer Lunes sa kaadlawon, Tungod sa hitabo, gimandoan ni Cebu City Mayor Edgardo Labella ang kapolisan nga pahugtan pa ang police visibility sa mga establisemento ug kadalanan.

“This is something that we should immediately look into especially that in the advent of the Christmas season these criminal elements are trying to find a way to earn a living through illegal means. We have to check in that right away. I just had a meeting with the mall owners and CCPO and they assured us that everything is safe but we can never tell,” matud niya. Giawhag niya ang publiko nga mopakabana kun dunay mga kadudahang kalihokan sa ilang lugar. IBM (BANATNEWS)