CEBU, Philippines — Walay klase ang tanang level sa publikong tunghaan sa Dakbayan sa Talisay karong adlawa aron ang tanan makasaulog sa kapistahan ni Sta. Teresa de Avila.
Si Mayor Gerald Anthony “Samsam” Gullas Jr. niluwat sa kamanduan sa pagkanselar sa klase gikan sa daycare hangtud na sa kolehiyo ug giuyonan kini sa Department of Education.
Samtang magdepende nalang sa pribadong tunghaan kun sila mokanselar sab sa ilang klase.
Matud ni Gullas nga ang kapistahan dili lang lingaw-lingaw kun dili mao sab ang higayon nga magpasalamat sa gipistahan nga patron.
Karong alas 9:30 sa buntag magmisa si Cebu Archbishop Jose Palma sa simbahan Sta. Teresa de Avila.
Samtang gitutokan sa kapolisan ang konsyerto nga libre inigka gabii sa Parokya ni Edgar. (/GMR)(BANATNEWS)