CEBU, Philippines — Moabot sa 140 ka motorbanca ang gilauman nga mosalmot sa fluvial procession sa Dakbayan sa Talisay karong Domingo sa buntag.
Si Mikki Aznar, officer-in-charge sa Talisay City Tourism Department, nagkanayon nga nakig-alayon na sila sa simbahan aron maplantsa ang ilang pagabuhaton.
Ang matag motorbanca ang gipasabot nga dili mag-overloading aron kalikayan ang disgrasya.
Karong adlawa himoon ang traslacion sa imahen ni Sta. Teresa de Avila paingon sa simbahan sa Laray diin manukad ang fluvial procession.
Ang rota mao ang Talisay City Fish Port lahos sa Barangay Pooc dayon sa kadagatan sa Barangay Poblacion. Ang mga deboto ni Sta. Teresa de Avila mag-atang sa baybayon lahos na sa simbahan.
Gitambagan lang sila nga dili magpabuto o magdala og balloons inay mahimo ra nila kining sugaton sa tugtog sa patron uban ang pagsayaw o ba kaha ang pagwara-wara sa banderitas. GMR (BANATNEWS)