Alanzado: Kahimtang sa panahon magdala og sakit
CEBU, Philippines – Gitug-an sa pangulo sa Talisay City Health Office nga mag-amping sa ilang panglawas tungod kay ang pag-usab-usab sa panahon karon posibleng magdala og sakit. Si Dr. Lino Alanzado nibutyag nga ang pag usab-usab sa kahimtang sa panahon diin masinati ang kainit ug kalit lang usab nga mo uwan maoy kasagaran nga hinungdan sa mga sakit-sakit.
Si Alanzado nipahimangno nga mas maayo nga matag kaon anaay prutas tungod kay makatabang kini sa pagprotekta sa lawas batok sa mga sakit.
Gawas sa prutas mas maayo usab nga utanon ang kan-on tungod kay maghatag kini og saktong bitamina og minerales kompara sa mga pagkaon nga daghan og preservatives.
Si Alanzado nagkanayon nga kon wala man gani importanteng lakaw mas maayo pa nga magpundo nalang sa balay aron malikay sa sakit.
Ug mas maayo usab ang pagsul-ob og mask aron malikayang ang paghanggab sa abog ug sa virus nga hinungdan sa mga sakit. (/BDB)(BANAT NEWS)
- Latest
