Ubang brgy way pakabana sa kasapaan
CEBU, Philippines – Gipatawag sa Cebu City Environment Natural Resources Office ang atensyon sa pipila ka opisyal sa barangay sa giingong walay pagpakabana sa kahugaw sa kasapaan. Usa sa gipatawag ang atensyon sa CCENRO si Zapatera Barangay Kapitan Francisco Benedicto.
Ang pangulo sa Association of Barangay Councils nga si Tisa Barangay Kapitan Phillip Zafra niingon nga ilang patubagon si Benedicto sa maong reklamo sa CCENRO sulod sa 10 ka adlaw. “We are going to conduct a hearing and after ma-meet tanang punto, we will come up with a recommendation. It’s up for the committee members to decide whatever will be their recommendations,” sigun ni Zafra. Gipasabot sa pangulo sa CCENRO, John Jigo Dacua, nga seryuso sila sa pagpatuman sa balaud sa kinaiyahan ug ordinansa.
Ang kagamhanan sa siyudad pinaagi sa mga enforcers ang padayong nag-monitor sa mga sapa subay sa mando ni Mayor Edgardo Labella. (/GMR)(BANAT NEWS)
- Latest
