CEBU, Philippines – Ang Liga ng mga Barangay sa Pilipinas buot nga aduna nay klaro ug “fix” nga termino ang mga opisyal sa barangay.
Kini human nga ang Comelec ug Department of Interior and Local Government (DILG) buot nga iuswag ang Sangguniang Kabataan (SK) ug barangay election sa tuig 2023 kini aron mas mapangandaman kini .
Ang presidente sa Association of Barangay Council (ABC) sa Probinsiya sa Sugbo Celestino “Tining” Martinez, III nibutyag nga buot sa Liga ng Barangay nga klarohon kon pila ka tuig ang termino sa mga opisyal sa barangay. “Mura man gud nahulog ang nahitabo nga ang mga barangay official can no longer plan for the interim of unsa nga projects nga ilang i-implement kay because for example karon two years lang, so ang ilang projects nga gihunahuna kay for two terms unya sunod na sab one year. What can we do in one year so another extension?”, matud ni Martinez.
Matud sa mga representante sa maong mga ahensiya nga mas maayong mapahigayon ang election sa barangay human sa presidential election sa Mayo 2022. “Ang underlining goal is just to establish a definitive term for barangay officials nga di mahulog nga ulipon sa kun unsay gusto sa congressman o sa senador o sa presidente, when they feel like they should postpone, postpone, if they feel like to extend, extend. But barangay officials are saying that okay let it be, 5-years, so be it. If it is 4-years of three terms so be it”, matud ni Martinez
Alang sa DILG nga ang lima ka tuig nga termino sa karon nga tuig nga opisyal sa barangay igo na nga panahon pagpatuman sa ilang mga proyekto.
Ang Comelec usab nagkanayo nga mas maayo nga sa 2023 na ang sunod nga election. (/BDB)(BANAT NEWS)