City Hall of Justice hugot gibantayan

CEBU, Philippines – Hugot nga seguridad ang gipatuman karon sa Qimonda IT Center sa North Reclamation Area diin nahimutang ang Cebu City Hall of Justice human sa pagpamanhig kang Atty. Inocencio Dela Cerna niadtong Lunes.

Kini ang gibutyag sa director sa Cebu City Police Office, Police Col. Gemma Cruz-Vinluan.

Matud ni Vinluan nga aduna na silay view-deck sa lugar nga adunay gidestino nga polis ug aduna usab silay patrol car nga standby ug magpatrolya sa lugar.

Sumala pa ni Vinluan nga sa pagkakaron padayon pa silang nagpaabot sa opisyal nga pamahayag ni Dela Cerna aron makasugod na sila sa imbestigasyon.

Dugang pa ni Vinluan nga nagkatagbo na usab sila ni Cebu City Executive Judge Macaundas Hadjirasul diin ilang gituki ang mga angayang buhaton tali sa ilang pagtinabangay diin lakip niini ang plano nga proyekto nga adopt a police station diin adunay ipahimutang nga abogado matag police station aron motan-aw sa mga police operations ug lakip ang mga pagsang-at sa tukma nga kaso. (/GMR)(BANAT NEWS)