Mga polis nga mobantay sa mga taytayan bansayon

CEBU, Philippines — Mga polis nga gitahasan sa pagbantay diha sa Mandaue-Mactan Bridge ug Marcelo Fernan Bridge ang giingong bansayon.

Kini ang gipadayag ni Mandaue City Police Office (MCPO) director Police Colonel  Jonathan  Abella. Kini human sa nahitabo nilang pagluwas sa usa ka 16 -anyos nga dalagita nga nagtinguha unta sa paglayat diha sa Mactan-Mandaue Bridge sa sayo pa.

Matud ni Abella nga nagkalainlain ang kinaiya nga masugatan sa kapolisan sa ilang pagtuman sa trabaho nga madestino diha sa duha ka nahisgutang mga tulay.

Lakip sa atubangon sa mga polis nga mobantay diha sa duha ka taytayan ang emosyon ug ang mental nga bahin sa tawo nga ilang luwason sa dautan niining tinguha sa paghikog.

Matud ni Abella nga ang mao nilang kalihukan mao ang patuman sa kamandoan sa ilang labaw

Matud ni Abella nga sa kasamtangan ilang gihimo ang pagtuman sa kamandoan sa ilang labaw ug makig-alayon sila sa mga pagbansaybansay nga pagahimuon sa Department of Social Welfare and Development (DSWD)- 7. (/BDB)(BANATNEWS)