CEBU, Philippines — Nalandig sa tambalanan ang usa ka 36-anyos nga lalaki human kini pareglahi sa mga menor de edad diha sa Mantawe Drive, Barangay Guizo, Dakbayan sa Mandaue sa dihang nitubag sa sugo sa lawas niadtong Huwebes sa gabii.Ang biktima mao si Rael Dalaguete, dunay kapuyo, lumad nga taga Dakbayan sa Toledo apan nagpuyo na diha sa Barangay Basak, Dakbayan sa Lapu-Lapu.
Base sa imbestigasyon sa kapolisan sa Mandaue Police Station 1 nga sa wala pa mahitabo ang insidente si Dalaguete nitubag sa sugo lawas ug sa dihang padulong na kining molakaw adunay mga menor de edad nagdinaganay kay gigukod usab sa lain pundok sa mga menor.
Ang biktima kalit kining gipusil sa usa ka menor de edad ug swerte nga ang walang paa lang niini ang naigo ug nakahimo pa pagsalbar sa iyang kaugalingon padulong sa tambalanan.
Na-recover sa kapolisan gikan sa lugar nga nahitaboan ang usa ka kalibre .357 nga revolver nga adunay upat ka buhing bala ug gituohang nabiyaan kini sa mga suspetsado.
Sa pagkakaron ang kapolisan padayon pang nihimo og imbestigasyon sa maong insidente. (/BDB)(BANATNEWS)