Wheelchairs ipaandam sa mga buhatan sa gobiyerno
CEBU, Philippines — Giawhag sa hunta probinsiyal ang gobernador nga manduan ang mga buhatan ug edipisyo sa gobiyerno sa Lalawigan sa Sugbo nga magbutang og standby wheelchair alang sa mga senior citizens.
Sa resolusyon nga gipangamahanan ni Bokal John Ismael Borgonia gisaysay nga ang mga tiguwang nagpabilin gihapon nga aktibo ug importante nga sektor sa komunidad diin sila maoy nilangkub sa pito ngadto sa walo ka porsyento sa populasyon sa nasud.
Matud ni Borgonia nga adunay mga senior citizens nga aduna pay mga transaksyon nga himoon sa mga munisipyo ug ubang ahensya sa gobiyerno.
“Senior citizens are most at risk for injuries such as athritis, hip problems and other medical issues that come naturally with age, and thus, assistance is required to fulfill their everyday tasks, obligations, responsibilities, and activities,” pagbasa sa resolusyon nga aprobado na sa Provincial Board atol sa niaging regular session.
Dugang ni Borgonia nga ang maong lakang pagsuporta kini sa global campaign sa paghatag og access, mobility ug comfort sa mga senior citizens. (/GMR)(BANATNEWS)
- Latest
