Pito sikop sa drug raid; Herrera gitudlong chairman sa CADAC

CEBU, Philippines – Unom ka suspetsadong drug pusher ang nasikop sa gipahigayong drug operation sa City Intelligence Branch (CIB) sa Lapu-Lapu City Police Office (LLCPO) sa nilabay’ng adlaw.

Si  Police Major  Jaime  Tolentino, hepe sa CIB sa LLCPO niila sa ilang dinakpan nga mao ang managsuong Rene Loquillano , 41 ug Romil Loquillan,  42, ug nasakmitan og napulo ka paketeng  shabu, P600  nga kwarta nga gituohang halin ug 9mm pistol ug mga bala niini.

Laing nadakpan   sa Sitio  Kagudoy,  Barangay  Basak sa maong dakbayan si Felizardo Prado, 25, taga Sitio  Mahayahay sa  Barangay Bankal, Jerry Kinkito, 33, taga Barangay Pusok ug giingonh ndskmiy kini og walo ka paketeng shabu.

Laing nasikop mao si Nestor  Demposo, 39, taga Barangay Pusok kinsa nasakmitan og unom ka paketeng  shabu ug Christopher Amistad, 39, nagpuyo sa maong dapit kinsa nasakmitan og drugas ug kalibre .45 nga pistola.

Samtang sa Dakbayan sa Sugbo, nagtingkagol sa detention cell sa Waterfront Police Station si Alfie Lamposan, 25, taga Villagonzalo 1, Barangay Tejero, Dakbayan sa Sugbo kinsa giingong nasakmitan og mga pinutos nga ilegal nga drugas ug us aka 9mm nga pistola.

Sa laing bahin, gimanduan ni Cebu City Mayor Edgardo Labella ang opisyales sa bag-ong gitigom nga City Anti-Drug Abuse Council (CADAC) nga adunay preventive sa pagsulbad sa problema sa ilegal nga drugas.

Si Ernest Herrera, II kinsa naparot isip konsehal sa siyudad sa nilabay’ng eleksiyon ang gitudlong chairman sa CADAC ug ang mga opisyalea niini nanumpa na kagahapon.

Samtang si John Rodriguez kinsa hepe karon sa City Office for Substance Abuse Prevention (COSAP) maoy co-chairperson sa CADAC.

Si Herrera kinsa mapasalamaton sa iyang pagkatudlo nagkanayon nga dili siya makadawat og sweldo gikan sa siyudad isip chairman sa CADAC. (Rowena D. Capistrano ug Jean Marvette A. Demecillo/BDB)(BANAT NEWS)