CEBU, Philippines – Sunog miulbo didto sa Sitio Kalubihan Uno, Barangay Pajac, Dakbayan sa Lapu-Lapu kagahapong adlawa diin 25 ka balay ang naugdaw.
Base sa report sa kabomberohan, asas 12:42 sa udto kagahapon nila nadawat ang maong alarma. Gideklarar dayon nga 3rd alarm ang sunog ug hingpit napawong pa gala-una pasado na.
Gibana-banang P120 mil ang danyos sa maong sunog. Matud pa ni Fire Officer 3 Urbiz Tondo sa Lapu-lapu Fire Department nga wala pa masuta ang hinungdan sa maong sunog.
Sa fire scene, dunay mga nakitang daghang butane canisters sa usa lang ka dapit nga pulos na nangbuto tungod sa maong sunog. (/IBM)(BANAT NEWS)