CEBU, Philippines — Niatras ang Lungsod sa Boljoon sa pagsalmot sa Pasigarbo sa Sugbo karong Agosto 25 human ang mga batan-ong mananayaw wala tugti sa ilang mga ginikanan.
Kini human sa nahitabong disgrasya sa sa lungsod nga nikalas og siyam ka kinabuhi kinsa kasagaran mga estudyante. “Lisud sad kaayo kay ang among mga bata gud, katong mga ginikanan dili na mohatag og waiver nga mopraktis sila,” matud ni Mayor Merlou Derama.
Matud sa mayor nga kung mopatawag og praktis moabot lang sa 30 ang motunga tungod ang uban wala na tugti ilabi na katong mga anaa sa bukirang barangay.
Ang Pasigarbo sa Sugno gibanhaw sa administrasyon ni Gob. Gwendolyn Garcia human sa unom ka tuig sukad niadtong 2012. (GMR) (BANAT NEWS)