Ordinansa sa tari sa Danao giuli sa PB

CEBU, Philippines — Giuli sa Provincial Board ang ordinansa mahitungod sa buwang sa Dakbayan sa Danao.

Kini base sa nasuta sa PB committee on ways and means nga gipangulohan ni Bokal Horacio Franco nga nakasupak sa Presidential Decree No. 449 ang maong ordinansa.

Bag-ohay lang usa ka lisensiyadong buwangan sa Dakbayan sa Mandaue ang gironda sa kapolisan diin 370 ka sabongero ang nasikop gumikan sa kalapasan sa PD 449. Ang PD 449 nagtugot lang sa sabong sa adlawng Domingo sa lisensiyadong buwangan samtang nagdili sa sabong sa manok sa Disyembre 30 (Adlaw ni Rizal), Hunyo 12 (Adlaw sa Kaugalingnan), Nobiyembre 30 (Adlaw sa mga Bayani), Mahal nga Adlaw, Eleksyon o Referendum Day ug sa mga Adlaw sa Pagpangrehistro.

Apan ang ordinansa sa Dakbayan sa Danao nagtugot sa sabong sa piyesta sa mga barangay ug sa adlawng Sabado ug Domingo ingon mga holidays sama sa Independence Day, Bonifacio Day, National Heroes Day, Election Day, Registration Day, All Saints Day ug Rizal Day.

Daghan pang probisyon sa ordinansa ang nakit-an sa komitiba ni Frasco nga angayang usbon aron motukma sa nasudnong balaud hinungdan nga ila kining giuli. (/GMR)(BANATNEWS)