CEBU, Philippines – Dili pa panahon aron magdeklarar og martial law didto sa Negros Oriental taliawala sa sunod sunod nga patay nga nahitabo didto sa maong probinsya tungod sa mga rebelde. Kani kun ang Central Command maoy pasultihon.
Matud ni Lt. General Noel Clement ang hepe sa Armed Forces of the Philippines-Central Command nga “manageable” ang sitwasyon sa seguriad sa maong lalawigan ug paigo ang security forces nga gipakatap didto.
“I am not inclined to recommend it as of this time, if you see the situation there right now, the killings has stop. The situation is under control because it is not a province-wide problem. Contained lang siya sa specific area tulad nuong sa vicinity nang Guihulngan,” matud ni Clement.
Matud ni Clement nga aduna silay protocol nga gisunod usab sa tanang area sa Central Visayas kun unsay aksyon nga himuon pagbatok sa nagkadaiyang dautang elemento sama sa krimen, illegal nga drugas ug insurhensiya.
Dili momenus 20 ka mga tawo ang gikatahong gipatay sa maong probinsya sa niaging mga semana naglakip na sa abogado, magtutudlo , police intelligence officer ug ang mga komunistang rebeldeng New Peoples Army ang responsable.
Ang nahitabo sa Negros Oriental nakapaalerto usab sa ubang bahin sa Central Visayas sama sa probinsya sa Sugbo.
Matud ni Police Colonel Roderick Mariano ang hepe sa Cebu Provincial Police Office (CPPO) nga nipatuman na sila og discipline zone sa nagkadaiyang lungsod ug lalawigan ug gipanghingusgan ang maximum police visibility aron makahimo og askyon dayon kun adunay mga kadudahang mga tawo nga moabot sa probinsya. (/IBM)(BANAT NEWS)