Kanhi bokal ug Provincial accountant abswelto sa kaso
CEBU, Philippines – Giabswelto sa kasong korupyson ang provincial accountant nga si Marieto Ypil ingon man si kanhi board member Victor Maambong human ang 17 ka tuig nga pagdungog sa kaso.
Ang Sandiganbayan third division sa desisyon niini nga penetsahan og Hunyo 21, 2019 nagkanayon nga ang prosekusyon pakyas pagpamatuod nga guilty si Ypil ug si Maambong sa kasong kalapasan sa sec 3(e) RA. 3019.
"In light of all the foregoing, the Court finds that the prosection failed to prove beyond reasonable doubt the guilt of accused Victor A. Maambong and Marieto M. Ypil,hence, they are hereby acquitted for the charge of vilation of Section 3 (e) of Republic Act No 3019,as amended" pagbasa sa desisyon sa Sandiganbayan pirmado Associate Justice Ronald Moreno.
Ang maong kaso labot sa pagpagawas og P5 milyones alang sa educational programs sa usa ka non-government organization (NGO) nga Perdido Lex Foundation nga giingong usa bogus nga organisasyon.
Apil sa nakiha niini mao si kanhi Toledo City Mayor John Henry Osmeña kinsa niadtong higayona maoy bise gobernador sa Lalawigan sa Sugbo niadtong tuig 2002.
Apil sa gikiha mao sila Maambong nga bokal usab niadtong higayona; Willie Mulla chief of staff ni Osmeña; Milagros Herrera; Fe Tan, Nancy Sia, Veronica Ceceres ug Teodora Limcangco nga incorporator.
Matud ni Ypil nga ang Perdido adunay napakita nga certificate gikan sa Security and Exchange Commission. (/DILT)(BANAT NEWS)
- Latest
