CEBU, Philippines – Nangawat og motorsiko nadakpan sa joint operation sa kapolisan sa Dakbayan sa Mandaue ug Highway Patrol Group-7 sa Barangay Day-as, Cebu City.
Giila ang suspek nga si Diovic Bernal, 40, taga Barangay Day-as, diin nakuha gikan kaniya ang motorsiklo nga Suzuki Raider J nga may plate no. 8546 GD.
Laing duha ka motorsiklo ang nasakmit sa follow-up operation sa Dakbayan sa Sugbo ug Talisay.
Matud pa ni Police Major Aldrin Villacampa nga daghan ang kaso sa pagpangawat og motorsiklo sa Dakbayan sa Sugbo, Mandaue ug Talisay diin padayon ang ilang operasyon. (/GMR)(BANAT NEWS)