Bagong auxiliary bishop gihinganlan sa Santo Papa

CEBU, Philippines – Gihinganlan ni Pope Francis niadtong Martes sa alas 6:00 sa gabii ang bag-ong auxiliary bishop sa Archdiocese of Cebu human ang duha ka kanhi auxiliary bishop nga sila si Bishop Oscar Florencio ug Bishop Dennis Villarojo ang gipahimutang na usab sa ilang tagsa-tagsa ka assignment.

Gihangop ni Archbishop Jose Palma ang paghatag sa Santo Papa ni Reverend Father Midyphil Billones kinsa clergy gikan sa Archdiocese of Jaro ug rector sa Joseph Regional Seminary.

Sayo pa, si Archbishop Jose Palma sa iyang “ad limina visit” ngadto sa Roma kauban ang mga obispo sa Visayas usa sa iyang mga gipadangat ang makabaton usab og bag-ong auxiliary bishop ilabina nga wala na ang duha niya ka kaabag.

Si Billones natawo ngadto sa Lungsod sa Pan-ay, Probinsiya sa Capiz niadtong Hulyo 4, 1969, nagtungha sa Philosophy sa St. Vincent Ferrer Seminary sa Iloilo ug sa Theology sa Loyola School sa Quezon City, Manila ug na ordinahan siyang pari sa Archdiocese of Jaro niadtong Oktubre 2, 1995.

Nahimo usab si Billones nga vicar parish sa Jaro Metropolitan Cathedral, personal secretary usab sa mga obispo ug uban pa. (/BDB)(BANAT NEWS)