TCDRRMO mangayo og dugang kagamitan ug personnel
CEBU, Philippines — Ang pangulo sa Talisay City Disaster Risk Reduction and Management Office nangayo kini og dugang kagamitan ug personnel sa kagamhanan sa siyudad.
Si Alvin Santillana, pangulo sa TCDRRMO nibutyag nga marching order kanila sa mayor nga mas motutok sila sa ilang trabaho ug kanunay nga “aksiyon agad”.
Si Santillana nipadayag nga ang ilahang pangayoon sa mayor mao ang rescue truck ug vehicle tungod kay karaan na ang ilang rescue vehicle ug dili na kini makasaka sa bukid.
Matud ni Santillana nga magdugang usab sila og tawo ilabi na kadtong mga nabansay na aron mao kini ang mapuno sa ilang rescue group sulod sa tulo ka shift.
Ang TCDRRMO aduna kini 25 ka personnel karaan ug bag-o.
Si Santillana nagkanayon nga ang ilang rescue group mahimo usab kining katambayayong sa City of Talisay-Traffic Operations Development Authority pinaagi sa pag-rescue kong adunay insidente nga mahitabo diha sa karsada ug pagmando sa trapiko panahon nga kinahanglanon kaayo.
Kahinumduman atol sa pagbisita ni Gullas diha sa command center nagkanayon kini nga magpaabot siya sa rekomendasyon sa CTTODA ug TCDRRMO alang sa mga dugang panginahanglanon niini. (BANAT NEWS)
- Latest
