Public library kuwangan og tawo
CEBU, Philippines – Dili momenus 28 ka personnel ang gikinahanglan sa Cebu City Public Library aron mahimong operational 24-oras matag adlaw.
Matud ni City Librarian Rosario Chua nga sukad Hunyo 30 ang operasyon sa public library magsugod sa alas 8 sa buntag hangtud sa alas 12 sa tungang gabii gumikan sa kakuwang sa tawo.
Si Chua niingon nga sa 14 ka casual employees panahon sa kanhi administrasyon duha ra ang na-renew sa serbisyo.
Subay sa maong sitwasyon, si Mayor Edgardo Labella nipasalig nga ipadayon ang operasyon sa public library ug iyang gimanduan si City Administrator, Atty. Floro Casas Jr., sa pagtan-aw niini. Apan si Casas niingon nga dili pa siya kabutang og dugang manpower sa public library sanglit nag-finalize pa sila sa assignments sa mga empleyado.
Masaligon kini nga matubag ang concern sunod semana aron ang operasyon mobalik na sa 24/7. (/GMR)(BANAT NEWS)
- Latest
