Go: kinahanglang magtinabangay

CEBU, Philippines — Mga pamilya nga nasunogan sa Sitio Huyong-Huyong ug Puntod Alaska Mambaling ang nakadawat og ayuda gikan sa Department of Social Welfare and Development, Sabado sa hapon subay usab sa pagbisita ni senator- elect Christopher Lawrence ‘Bong’ Go.

Ang mga ayuda nga giapod-apod naglangkob sa family food pack, hygiene kit, sleeping kit, dining kit, cooking set, malong, dignity kit, ug tarpaulin.

Matud pa ni Go, nagtambayayong ang  gobiyerno ug pribado nga individual aron sa paghatag ug ayuda ngadto sa mga biktima sa sunog nga makabangon gilayon sila sa hinay-hinay ug aron usab makabalik gilayon sa pagtuon ang mga tinun-an nga nawagtangn ug kagamitan tungos sa sunog. Dugang pa ni Go, kinahanglan magtinabangay ang tanan sa pagtabang sa iyang isi’g ka tawo ug gamiton ang panudlanan sa gobiyerno diha sa tukma ug sakto.

Atol sa pagapud-apod sa mga ayuda gitambongan kini sa mga taga DSWD- 7 ug mga opisyal sa Barangay Mambaling nga gipangulohan sa ilang kapitan Gines Abellana. (/IBM)(BANATNEWS)