Pamilyang Reluya nihangop sa pasalig ni Imee
CEBU, Philippines – Gihangop ni vice mayor-elect Ricci Regen Reluya sa Lungsod sa San Fernando ang pasalig ni senator-elect Imee Marcos nga motabang kini sa pagpangita og mga pamaagi aron mahatagan og hustisya ang kamatayaon sa iyang amahan nga si kanhi ABC President Ricardo “Nonoy” Reluya.
Matud ni Ricci nga bisan kinsa nga motabang sa pagpangita og hustisya alang sa iyang amahan ilaha kining hangpon ug dawaton.
Si Ricci nagkanayon nga ang resulta sa eleksiyon sa San Fernando nagpakita kini sa dakong gugma sa katawhan sa lungsod ngadto sa iyang amahan hinungdan nga iyang padayonon ang mga plano ug proyekto sa iyang amahan alang sa kalamboan sa lungsod.
Atol sa oath taking sa Partido Alayon sa 1st district diha sa Dakbayan sa Carcar diin lakip sa nanumpa si Ricci ang naghupot sa hulagway sa iyang amahan. (/BDB)(BANAT NEWS)
- Latest
