Sobra ang kainit karong adlawa
CEBU, Philippines — Mipagawas og abiso ang lokal nga weather expert sa Cebu sa posibleng sobra nga kainit ang masinati sa mga botante karong adlawa.
Si Alfredo Quiblat, Jr., pangulo sa PAGASA-Visayas, mipahibawo sa publiko nga gibanabana nga init ug lamigsing ang temperatura sa panahon karong adlawa.
Gani, dugang niya nga posibleng moabot ang temperatura sa 34 degrees Celsius. Ang average maximum temperature matag Mayo dinhi sa Sugbo anaa lang sa 32.7 degrees Celsius.
Kay lamigsing nga panahon, ang maong temperatura adunay heat index nga 44 degrees Celsius o ang temperatura nga mabati sa kalawasan sa tawo. Sa nasayran, ang normal nga body temperature anaa lang sa 27 degrees Celsius. Karon nga magtapok ang mga tawo sa mga presinto, giabisohan ang publiko nga mohimo og precautionary measures aron malikayan ang heat cramps o heat exhaustion.
Si Quiblat nagkanayon nga ang mga botante magdala og tubig mainom aron mabugnawan ang lawas og dili ma-dehydrate.
Dugang niya maayo usab nga magdala sila og payong o magsul-ob og kalo aron proteksyon sa kainit.
Mipadayag si Quiblat nga kon mahimo, ang sul-obon kay gaan ug light colored nga mga senina.
Sa mga adunay sakit, giawhag kini nga mas maayo kon mobotar, sa wala pay alas 10 sa buntag o sa alas tres sa hapon na lang sila mobotar.
Giabisohan ang publiko nga dili maayo magpalabi og buwad sa init sa adlaw sa gikan sa alas 10 sa buntag hangtod sa alas tres sa hapon. (/DILT)(BANATNEWS)
- Latest
