Garma, Osmeña nitanyag og ganti sa makaila sa “polis”

CEBU, Philippines – Pamilya sa lalaki nga giingong gikulata sa mga police sa Talamban Police Station nga nagpuyo sa Ponce 2, Barangay Carreta ning Dakbayan sa Sugbo niadtong nilabay nga Huwebes Santo ang nanawagan og hustisya human nakaangkon kini ug daghan nga bun-og ug nagtingkagol karon sa prisohan.

Ang nasikop sa giingong mga tinugyanan sa Talamban Police Station naila nga si Eddie Basillote, 28.

Matud pa sa kabanay ni Basillote, adunay nanuktok sa ilang balay nga wala magpaila ug sa dihang pag-abli kalit nga nanulod ang mga lalaki nga nagbitbit og tag-as nga mga armas.

Dugang pa sa maong kabanay nga dili magpaila nga pag-abot didto sa sulod kalit lang nila gikulata sila si Basillote ug ang laing duha ka mga lalaki nga naila lang sa pangalang Noel ug Kulot.

Walay bitbit nga search warrant ug wala usab mag-uniporme o  bisan na lang pagpaila nga mga polis kadtong nanulod sa balay.

Ang maong kabanay miingon nga dili man unta sila mobabag kung dakpon si Basillote, basta klarohon lang kini ug dili susama ug mananap nga grabeng gikulata sa mga gituohan nila mga polis.

Ang maong kabanay niangkon nga mogamit kaniadto og ilegal nga drugas si Basillote.

Apan base sa rekord sa Talamban Police Station si Basillote ilang nadakpan niadtong Abril 18 sa alas-6 sa buntag sa gihimong buy-bust operation diha sa may Nasipit, Barangay Talamban apan dili didto sa Carreta. Si Basillote naka-detain karon sa Talamban Police Station og napasakaan og kasong kalapasan sa Section 5 ug 11 sa Republic Act 9165.

Apan ang mga kabanay ni Basillote, nitug-an walay drugas nga nakuha sa dihang kalit gisignit kini sa mga polis ug diha kini nahitabo sa balay niini sa Ponce 2  Barangay Carreta ug dili sa Talamban. Ang Commission on Human Rights sa Rehiyon 7 naghimo na karon og imbestigasyon sa maong kaso.

Ang CHR 7 regional director Atty. Arvin Odron, nitug-an nga niadto dayong hapon sa adlaw nga Huwebes nipadala na siya og mga imbestigador sa lugar diin nahitabo ang pagpangulata lakip usab ang pagkuha sa habig sa mga giingong nalambigit niini.

Ang Cebu City Director sa Cebu City Police Office Police Col. Royina Garma, nitug-an nga gihangop nila ang imbestigasyon nga gihimo sa CHR-7 ug andam silang mokooperar sa maong ahensiya.

Gibutyag ni Garma nga mohatag siya og P200 mil nga ganti sa tawo nga makahatag kaniya og tukma ug kongkreto nga ebidensya nga magtumbok sa mga sakop sa Talamban Police nga maoy naghimo sa maong salaod.

Matud niya dili siya modupa sa mga polis nga sagolan og binuang ang trabaho. Gimando na sab niya sa Investigation Detective and Management Branch ang paghimo og imbestigasyon sa maong kaso. Gipaduso niya og eksplinasyon ang hepe sa Talamban Police Station bahin sa ilang gihimo nga operasyon kalabot ni Basillote. Sa pagkakaron, si Garma dili pa makakompirmar kon ang nag-viral sa video sa social media mga polis sa Talamban.

Kahinumduman niadtong Abril 20, usa ka Winmae Micarsos ang nag-post sa video sa Tulfo Charity diin matod niya ang mga nakita sa video mga polis sa Talamban Police Station ug nanawagan sila nga unta mahatagan og pagtagad ang nahitabo ug gihimo ngadto sa iyang ig-agaw. Naa sab sa post ni Micarsos ang maong mga polis miadto sa Maxilom Extension sa Barangay Carreta kun diin nahitabo ang insidente nga nakuha sa CCTV Camera.

Human mag-viral sa Facebook ang video,  si Mayor Tomas Osmeña ni-post sa iyahang official Facebook page niadtong adlaw’ng Huwebes nga naglatid magpadala siya og suwat sa Cebu City Police Office aron pagpangayo og detalye sa maong operation.

Nitanyag sab siya og P100,000 nga reward sa makatumbok kun kinsa ang maong mga polis sa maong video.

“If this is a “legitimate police operation,” there should be nothing to hide. But the police are not cooperating with providing the identities of these men, so anyone with information can text me directly at 0917 329 999,” tipik sa post ni Osmeña.

Samtang si Konsehal Dave Tumulak, Deputy Mayor for Police Matters mikondenar sa gihimo sa maong mga armadong mga tawo. Kun tinuod man nga mga polis ang naa sa video sila maoy nakaguba sa imahen sa PNP.

“Ato lang gi-request ang PNP to conduct investigation, to positively identify kinsa ‘tong mga tawhana. Inhuman gyud, unya in the presence sa usa ka babaye ug bata nga gikugos, grabe gyud kaayo,” matud ni Tumulak.

Samtang si Konsehal Joel Garganera, Chairman sa Police Advisory Council miingon nga kinahanglang sutaon kun polis ba gyud ang mga nalambigit sa hitabo ug kun sa Cebu City ba gyud kini nahitabo. (Decemay P. Padilla/IBM)(BANAT NEWS)

Garma, Osmeña nitanyag og ganti sa makaila sa “polis”

Rowena Capistrano

CEBU, Philippines – Pamilya sa lalaki nga giingong gikulata sa mga police sa Talamban Police Station nga nagpuyo sa Ponce 2, Barangay Carreta ning Dakbayan sa Sugbo niadtong nilabay nga Huwebes Santo ang nanawagan og hustisya human nakaangkon kini ug daghan nga bun-og ug nagtingkagol karon sa prisohan.

Ang nasikop sa giingong mga tinugyanan sa Talamban Police Station naila nga si Eddie Basillote, 28.

Matud pa sa kabanay ni Basillote, adunay nanuktok sa ilang balay nga wala magpaila ug sa dihang pag-abli kalit nga nanulod ang mga lalaki nga nagbitbit og tag-as nga mga armas.

Dugang pa sa maong kabanay nga dili magpaila nga pag-abot didto sa sulod kalit lang nila gikulata sila si Basillote ug ang laing duha ka mga lalaki nga naila lang sa pangalang Noel ug Kulot.

Walay bitbit nga search warrant ug wala usab mag-uniporme o  bisan na lang pagpaila nga mga polis kadtong nanulod sa balay.

Ang maong kabanay miingon nga dili man unta sila mobabag kung dakpon si Basillote, basta klarohon lang kini ug dili susama ug mananap nga grabeng gikulata sa mga gituohan nila mga polis.

Ang maong kabanay niangkon nga mogamit kaniadto og ilegal nga drugas si Basillote.

Apan base sa rekord sa Talamban Police Station si Basillote ilang nadakpan niadtong Abril 18 sa alas-6 sa buntag sa gihimong buy-bust operation diha sa may Nasipit, Barangay Talamban apan dili didto sa Carreta. Si Basillote naka-detain karon sa Talamban Police Station og napasakaan og kasong kalapasan sa Section 5 ug 11 sa Republic Act 9165.

Apan ang mga kabanay ni Basillote, nitug-an walay drugas nga nakuha sa dihang kalit gisignit kini sa mga polis ug diha kini nahitabo sa balay niini sa Ponce 2  Barangay Carreta ug dili sa Talamban. Ang Commission on Human Rights sa Rehiyon 7 naghimo na karon og imbestigasyon sa maong kaso.

Ang CHR 7 regional director Atty. Arvin Odron, nitug-an nga niadto dayong hapon sa adlaw nga Huwebes nipadala na siya og mga imbestigador sa lugar diin nahitabo ang pagpangulata lakip usab ang pagkuha sa habig sa mga giingong nalambigit niini.

Ang Cebu City Director sa Cebu City Police Office Police Col. Royina Garma, nitug-an nga gihangop nila ang imbestigasyon nga gihimo sa CHR-7 ug andam silang mokooperar sa maong ahensiya.

Gibutyag ni Garma nga mohatag siya og P200 mil nga ganti sa tawo nga makahatag kaniya og tukma ug kongkreto nga ebidensya nga magtumbok sa mga sakop sa Talamban Police nga maoy naghimo sa maong salaod.

Matud niya dili siya modupa sa mga polis nga sagolan og binuang ang trabaho. Gimando na sab niya sa Investigation Detective and Management Branch ang paghimo og imbestigasyon sa maong kaso. Gipaduso niya og eksplinasyon ang hepe sa Talamban Police Station bahin sa ilang gihimo nga operasyon kalabot ni Basillote. Sa pagkakaron, si Garma dili pa makakompirmar kon ang nag-viral sa video sa social media mga polis sa Talamban.

Kahinumduman niadtong Abril 20, usa ka Winmae Micarsos ang nag-post sa video sa Tulfo Charity diin matod niya ang mga nakita sa video mga polis sa Talamban Police Station ug nanawagan sila nga unta mahatagan og pagtagad ang nahitabo ug gihimo ngadto sa iyang ig-agaw. Naa sab sa post ni Micarsos ang maong mga polis miadto sa Maxilom Extension sa Barangay Carreta kun diin nahitabo ang insidente nga nakuha sa CCTV Camera.

Human mag-viral sa Facebook ang video,  si Mayor Tomas Osmeña ni-post sa iyahang official Facebook page niadtong adlaw’ng Huwebes nga naglatid magpadala siya og suwat sa Cebu City Police Office aron pagpangayo og detalye sa maong operation.

Nitanyag sab siya og P100,000 nga reward sa makatumbok kun kinsa ang maong mga polis sa maong video.

“If this is a “legitimate police operation,” there should be nothing to hide. But the police are not cooperating with providing the identities of these men, so anyone with information can text me directly at 0917 329 999,” tipik sa post ni Osmeña.

Samtang si Konsehal Dave Tumulak, Deputy Mayor for Police Matters mikondenar sa gihimo sa maong mga armadong mga tawo. Kun tinuod man nga mga polis ang naa sa video sila maoy nakaguba sa imahen sa PNP.

“Ato lang gi-request ang PNP to conduct investigation, to positively identify kinsa ‘tong mga tawhana. Inhuman gyud, unya in the presence sa usa ka babaye ug bata nga gikugos, grabe gyud kaayo,” matud ni Tumulak.

Samtang si Konsehal Joel Garganera, Chairman sa Police Advisory Council miingon nga kinahanglang sutaon kun polis ba gyud ang mga nalambigit sa hitabo ug kun sa Cebu City ba gyud kini nahitabo. (Decemay P. Padilla/IBM)(BANAT NEWS)