Kalinaw sa NYD gilauman

CEBU, Philippines — Si Cebu  Archbishop Jose Palma nag-awhag sa publiko  nga dili mobati og kahadlok sa bag-o lang nga nahitabong pagpamomba sa nasud nga Sri Lanka nga mikalas og kapin 200  ka mga tawo. Nunot  usab kini sa mahitabo nga National  Youth  Day diin ang nasud ilabi na dinhi sa Sugbo maoy host sa mga kalihukan nga nagsugod karong adlawa, Abril  23  ug matapos sa  Abril 28  niining tuiga.

Ang maong kalihukan gilauman nga apilan sa dose mil ka mga batan-on  nga nagagikan pa sa nagkadaiyang lugar.

Nunot niini si Palma miingon nga ang NYD magpadayon sumala sa giplano sa mga organizers ug gipahimangnuan ang tanan nga magbinantayon. Gitataw sa arsobispo nga daku ang iyang pagsalig sa kapolisan ug  kasundalohan nga mahimong luwas ang pilgrims, mga volunteers ug ingon man ang mga host nga pamilya sa maong kalihukan. (BANAT NEWS)