Police Assistance Desk ipakatap sa MCPO
CEBU, Philippines — Adunay ipamu-tang nga Police Assistance Desk sa Dakbayan sa Mandaue sugod ugmang adlawa sa tulo ka mga dagkong parokya ug pantalan sa maong siyudad sumala pa ni Police Colonel Julian Entoma, director sa Mandaue City Police Office nga nahinabi sa Banat News.
Matud pa ni Entoma gisugdan na nila pagpamutang niini sa miaging semana ug karong adlawa magbutang nasab sila og dugang tulo ka PADFs tulo ka lugar alang sa ilang “Lakbay Alalay” kauban ang LTO, DPWH, DOH, TEAM ug PNP.
Ang Lakbay Alalay maoy motabang sa mga motorista , mga pasahero ug biyahidor diha sa highway nga gustong mamauli o mobakasyon tungod sa Semana Santa.
Ang mga lugar nga butangan niini naglangkob sa Umapad, North Bus Terminal ug duol sa Station 3 nga gas station tungod kay anhing mga dapita sagad makitang magdasok ang mga pasahero.
Manghatag sab sila og mga safety flyers pahimangno sa mga mobiyahe.
Samtang giawhag niya ang mga taga Mandaue nga planong magbakasyon nga siguradohong sirado ug pawngon gyud ang ilang plangka sa kuryente kun wala gyuy mahibilin nga makabantay sa ilang balay. (BANAT NEWS)
- Latest
