CEBU, Philippines – Imbes nga ang lalawigan sa Negros Oriental ra mag- full alert status ang kapolisan, apilon na ang tibuok Central Visayas isip pagpangandam sa ika 50 nga anibersaryo sa New People’s Army karong Marso 29.
Ang direktor sa Police Regional Office-7 nga si Chief Superintendent Debold Sinas nagkanayon nga gilikayan nila ang spillover ngadto sa ubang parte sa Central Visayas.
Giingong nakadawat sila og mga hulga gikan sa NPA nga mangatake og mga police stations sa rehiyon nga gisugdan na niadtong miaging semana. Si Police Senior Superintendent Raul Tacaca, provincial director sa Negros Oriental Police Office, mibutyag sa Banat News nga sa miaging semana girakrakan sa mga gituohang mga sakop sa NPA ang Canlaon Police Station. “Meron na silang threat sa Canlaon na papasukin nila ang Canlaon (police station), kasi nga meron kaming nahuli na mga members and supporters ng mga NPA previous month, simula nu’n nagkaroon na ng threats,” tug-an ni Tacaca ngadto sa Banat News.
Samtang si Lieutenant General Noel Clement, kumander sa Armed Forces of the Philippines-Central Command mibutyag nga taliwa sa reports nga nadawat sa kapolisan dili gihapon nila patas-an ang ilang alert level status sanglit wala pa silay na-monitor nga kalihokan sa mga rebelde. Matud niya, anibersaryo man o dili sa NPA, pabiling alerto ug aktibo ang AFP batok kanila.
“As far as the anniversary is concern, I would prefer that I don’t raise the level of alert ng troops natin, the important thing here is we do not want to wait for them to conduct the atrocities but rather our troops should be the one initiating the activities against them,” sigun ni Clement.
Ang NPA gideklarar na nga persona non grata sa Provincial Peace and Order Council (PPOC) sa Negros Oriental niadtong Marso 12, 2019 gumikan sa kasamok nga dala sa ilang kalihokan ug nakapakamang sa paglambo sa ilang lalawigan. (/IBM)(BANAT NEWS)