Mga tanom wala katubo tungod sa kainit
CEBU, Philippines – Naguol ang mga mag-uuma sa bukirang barangay sa Siyudad sa Talisay tungod sa ilang ani nga mga utanon nga nikubol ang tubo.
Si Lisa Cabigas manindahay og utanon nagkanayon nga nabati na gyud nila ang grabeng kainit sa panahon.
Gawas sa init sa panahon giataki og peste ang ilang mga pananom sa bukid.
Samtang si Annabel Jabarina nagkanayon nga naghinay-hinay na usab og ka kuwang ang ilang tubig aron ibubo sa ilang mga pananom.
Si Rene Gallado, agriculturist sa siyudad nibutyag nga nabatyagan usab nga nihubas na ang mga surface water ug angay na nga magdaginot ang tanan sa tubig.
Matud ni Gallado nga giawhag ang mga mag-uuma nga mo tanom og makasugakod sa kainit sa panahon.
Ang mga bukirang barangay sama sa Jaclupan, Campo 3 ug Campo 4 ang nireklamo na bahin sa panahon karon nga niigo na ang El Niño. (/BDB)(BANAT NEWS)
- Latest
