Tunnel section sa SRP temporaryong siradohon
CEBU, Philippines — Ang northbound lane sa Cebu South Coastal Road (CSCR) tunnel temporaryong sirad-an gikan sa alas 10 sa gabiI sa Pebrero 1 hangtod sa alas 5 sa buntag sa Pebrero 2.
Kagahapon, ang Cebu City Transportation Office (CCTO) mipahibawo sa road closure pinaagi sa ilang official Facebook account.
Nadesisyonan sa traffic authority ang pagsira sa northbound lane sa tunnel aron paghatag og dalan sa Department of Public Works and Highways (DPWH)-7 pagsusi sa damaged jet fan blower sa tunnel.
Matud sa operations chief sa CCTO Francisco Ouano hayan ayuhon sa DPWH-7 ang jet fan kon kinahanglanon.
Ang jet blower o jet fan gimontar aron pag-mentinar sa hamugaway ug luwas nga driving environment pinaagi sa pag-discharge og pollutants sama sa carbon monoxide gikan sa tunnel.
Sa wala pa aprubahi sa CCTO ang request sa DPWH alang sa road closure, ila kining gi-review aron masiguro nga dili kini makahatag og kahasol sa mga motorsita.
Matud ni Ouano nga ang road closure dili makaapektar sa dagan sa trapiko sanglit menus lang ang moagi nga mga sakyanan sa maong mga oras. Adto una paagion sa Mambaling access road ang mga motorista nga mogamit sa northbound lane.
Kini midugang nga adunay unom ka traffic enforcers ang ipakatap sa lugar aron mogiya sa mga drivers labot sa temporaryong traffic scheme.
Aduna say mobile patrol sa SRP ang molibot aron mo-assist sa mga traffic enforcers sa pag-monitor sa sitwasyon sa trapiko.
Gipahimangnuan ni Ouano ang publiko nga mosunod sa traffic rules aron malikayan ang mga dili maayong insidente.
“Mangandam nalang sila nga anhi nalang sila agi sa Mambaling agi kay naa lagi tay giayo kay nagpahibaw sila nga peligroso, giayo para hamugaway ang pag-agi nila”, ni Ouano pa. (BANAT NEWS)
- Latest
