CEBU, Philippines — Regional Office-7 ug Central Command sa AFP nga walay mga report o impormasyon bahin sa hulga sa terorismo dinhi sa Sugbo bisan paman sa gipagawas nga travel advisory sa embahada sa United Kingdom dinhi.
Niadtong Domingo miluwat ang embahada sa UK og dugang pahimangno alang sa mga turistang Briton nga mobisita sa habagatang bahin sa Probinsya sa Sugbo ug sa Mindanao.
Nahitabo kini pipila ka oras human sa Our Lady of Mount Carmel Cathedral sa Jolo, Sulu diin 27 ang nakalas ug kapin 100 ka tawo ang naangol.
Ang pangulo sa Centcom nga si Lieutenant General Noel Clement nagkanayon nga wala silay namonitor nga hulga dinhi sa Kabisay-an ilabi na sa habagatang bahin sa Sugbo.
Apan wala sila magkompiyansa sanglit subsob gihapon ang ilang mga intelligence monitoring.
“In light of the incident in Jolo I have directed all units under CENTCOM to undertake measures to ensure that such incidents will not happen. likewise close coordination with all counterparts from security sector are being undertaken to monitor any terrorist threats in the area. We likewise call on the citizenry to report to authorities any suspicious activity,” matud ni Clement.
Samtang ang Cebu Provincial Police Office nagkanayon nga aduna na silay security measures nga giandam bisan walay impormasyon bahin sa hulga sa terorismo dinhi.
“Upon consultation with other government agencies tasked to ensure public safety and order, we came to know that there is no imminent threat in the province hence we want to allay all the fears of the community particularly in the southern part of Cebu,”ang direktor sa CPPO nga si Police Senior Superintendent Manuel Javier Abrugena nagkanayon.
Niadtong unang semana pa lang sa Enero ning tuiga mipagawas usab og samang travel advisory ang UK human sa pagpamomba sa Cotabato City, diin duha ang nakalas ug 34 ang nangaangol. (BANAT NEWS)