CEBU, Philippines – Mipahimangno ang direktor sa Philippine Drug Enforcement Agency 7 nga si Wardley Getalla sa mga kabataan ilabi na sa mga batang babaye nga dili mokompiyansa sa mga libreng ilimnon gikan sa mga wa mailhing tawo ilabi na atol sa mga party ug concerts.
Ang pamahayag ni Getalla iyang giluwatan pipila ka adlaw human sa report bahin sa 19 anyos nga dalaga nga giingong nakainom og party drug ug namatay atoll sa usa ka konsiyerto sa bisperas sa Sinulog.
Matud niya ang party drugs mahimong gisud sa kapsula o tabletas nga dali rang isagol sa ilimnon.
“Kapag ‘yan hinalo sa any drinks, eh mahirap talagang malaman by visual examination. Wag tayong magtiwala sa mga strangers sa mga bars lalo na kung di natin kilala wag tayong tumanggap ng free drinks or anong klaseng inumin na iaabot sa atin,” nagkanayon ang maong direktor.
Sigun sa maong direktor nga kasagarang mabiktima niini mao ang mga babaye sanglit kun maka-inom na niini mawagtangan na og panimuot ug kusog hinungdan nga sila mapanamastamas batok niini.
Ang party drug gitawag sab kining rape drug tungod kay ang mga biktima sagad malugos. Dugang niini nga posibleng ikamatay sab sa moinom niini sanglit magagad kini sa kaya sa lawas. (/IBM)(BANAT NEWS)