BIN gikabalak-ang gamiton goons
CEBU, Philippines – Subayon karon sa Cebu City Police Office ang listahan sa mga sakop sa Barangay Intelligence Network (BIN) sa siyudad tungod kay posible silang gamitong private armed group sa mga politiko karong piniliay.
Sumala sa hepe sa CCPO nga si Police Senior Supt. Royina Garma nga ilang subayon og balik kon kinsa ang ilang mga aktibong BIN human madakpi si Jerry Lou Labra nga nagpailang membro sa BIN nga sinweldoan sa kagamhanan sa Dakbayan sa Sugbo.
Si Labra giingong gisugo nga motabang og bantay sa Malubog ambush survivor nga si Charmaine Puran didto sa Archbishop Palace niadtong Oktubre 7, apan gidakop kini sa mga polis kay nasakpang nagdala kini og paltik nga kalibre .38 nga armas nga way dokumento nga iyang gitug-an nga gipagamit kanila pagpatrolya sa South Road Properties.
Si Garma mipahinumdom nga ang BIN usa ka intelligence network diha sa barangay ubos sa pagdumala sa kapolisan ug dili sa kagamhanan sa Sugbo o bisan kinsang politiko.
“Noon daw in the past, it appears na they are authorize, labaw pa sa polis. And these are civilians endorsed by sometimes mga politicians and other groups tapos naging armed sila which is wrong. So we re correcting it properly in connection sa election kasi mali ito, mali talga,” dugang ni Garma. (/IBM)(BANAT NEWS)
- Latest
